INFOMAX.MK

Премиерот Димитар Ковачевски на Фејсбук сподели видео-честитка по повод 1 Мај – Меѓународниот ден на трудот.

-Нека ни е честит Денот на трудот, 1 Мај.

Изразувам огромна почит кон сите кои со својот труд обезбедуваат стимул и развој на нашата држава. Дури и во услови на најголемата економска и енергетска криза.

Системските решенија до кои дојдовме, денес значат минимална плата од над 20.000 денари, просечна плата над 500 евра, но и зголемени плати во образованието, здравството и безбедносните сектори. Поставивме здрава основа и затоа минималната и просечната плата, континуирано ќе растат.

Го почитуваме и цениме трудот на секој работник и поради тоа, денес ние веќе не сме дестинација со евтина работна сила. Денес, инвеститорите ја препознаваат стабилноста и можноста за раст и развој на државата која е земја членка на НАТО, земја со отпочнати преговори со Европската Унија и инвестираат и отвораат нови, добро платени работни места.

Заедно, рамо до рамо, ќе ги решаваме сите предизвици, а во мене и во Владата вие секогаш ќе имате сојузник. – вели Ковачевски.

ЛИНК од видеото