INFOMAX.MK

Силната бура „Фиона“ го зафати источниот дел на Канада, предизвикувајќи евакуација на населението, урнати далноводи и дрвја, додека многу домови беа претворени во купишта урнатини.

Американскиот Национален центар за урагани (NHC) соопшти дека центарот на бурата сега е во заливот Сент Лоренс, откако ја мина Нова Шкотска, објави Ројтерс.

We marched for climate action in 7500 cities yesterday.

This morning we see extreme weather damage in #PEI and #NovaScotia. 4 months ago #Ottawa had similar images.

We are living in a climate emergency. Half-measures won’t help.#HurricaneFiona #FridaysForFuture pic.twitter.com/LJ3RCfFTRo
— Joel Harden (@JoelHardenONDP) September 24, 2022

НХЦ соопшти дека Фиона, откако го зеде данокот на Нова Шкотска и островот Pринц Едвард, го погодила Њуфаундленд и источен Квебек, но најверојатно ќе ослабне.

Порт-о-Баски, на југозападниот крај на Њуфаундленд, со население од 4.067, прогласи вонредна состојба и ги евакуираше деловите од градот кои беа поплавени, изјави градоначалникот Брајан Батон.

Неколку куќи и една станбена зграда завршија во морето, изјави за канадската телевизија Рене Рој, главен уредник на „Wreckhouse Weekly“ во Порт-о-Баскија.

„Ова е најстрашното нешто што сум го видел во мојот живот“, рече Рој, опишувајќи дека многу од домовите сега се само куп отпад во океанот.

Lots of damage in Glace Bay. Chasing #FIONA in #NovaScotia pic.twitter.com/xTfI4KMHoY
— Josh Morgerman (@iCyclone) September 24, 2022

Полицијата истражува дали една жена починала завршувајќи во морето, јави Си-Би-Си.

Канадскиот премиер Џастин Трудо утринава одржа состанок со членовите на владиниот тим за одговор при вонредни ситуации и подоцна ќе ги информира новинарите, изјави неговата портпаролка.

„Нашата влада е подготвена да ги поддржи провинциите со дополнителни ресурси“, рече тој на Твитер.

Најмалку осум лица загинаа во ударот на бурата Фиона, која го погоди Порторико пред речиси една недела.

Армијата на Канада ќе помага во расчистување на штетите и спасување на цивилите.