(Видео) Михајловски открива како гласал Извршниот комитет за референдумот: “Лидерот” не организираше ниту еден протест за промена на името, тоа е негова реалност

Во денешната епизода на Тешки муабети нашиот специјален гостин Тони Михајловски објаснува каква била ситуацијата во извршниот комитет на ВМРО-ДПМНЕ во периодот кога тој беше член на тоа тело.

-Таму беше најматно, на тој извршен за референдумот, имаше два гласови да се излезе и гласа на референдумот, не рекоа да се гласа за, туку да се гласа, јас и уште една колешка бевме гласно за бојкот и тие два гласа никаде во никој извештај не ги спомнаа најверојатно бидејќи беа актуњлни реформаторите. Најголем дел од гласовите беше да се остави на волјата на народот.

И онака беше голем јазол и наместо да се расече тој со мечот да се разреши дилемата на луѓето, ти само доплеткуваш.

Мене најмногу ме изненади лидерот на опозицијата кога го сменија името и тој не организираше ниту еден протест за тоа. Требаше да се крене народот, најголемата голгота, потпишувањето на нашата смрт беше промената на името. После него мислам дека се е нормално, и да се одземе историјата и да се поништи јазикот…

И тој ден денеска не го спомнува тоа, вика тоа е реалност, ама тоа е негова реалност, моја не е. Мојата борба понатака во животот е да си го вратам името и достоинството на мојот народ, вели Михајловски.

Share on Facebook

Tweet

Follow us

Save