(Видео) Над 100 луѓе загинаа во двата бомбашки напади во Иран

Европската унија побара сторителите на двeте експлозии во јужниот ирански град Керман кои загинаа најмалку 103 луѓе во толпата собрани за да го одбележат убиството на генералот Касем Сулејмани да бидат изведени пред лицето на правдата.

„ЕУ најостро го осудува денешниот бомбашки напад во градот Керман во Иран. ЕУ ја изразува својата солидарност со иранскиот народ. Овој чин на терор донесе шокантна бројка на цивилни жртви и повредени“, наведе портпаролот на ЕУ во соопштение.

Иранскиот министер за внатрешни работи Ахмад Вахиди, пак, изјави дека безбедносните сили ќе одговорат брзо и цврсто на двата бомбашки напади во кои загинаа повеќе од 100 луѓе.

Засега никој не ја презеде одговорноста за нападите, кои може да се покажат како најтешки во историјата на земјата.

На одбележувањето четири години од ликвидирањето на иранскиот генерал Касем Сулејмани, во близина на неговиот гроб во јужниот ирански град Керман денеска се случија две експлозии при што загинаа 103 лица,а 140 беа повредени. Сулејмани беше задолжен за сите ирански воени операции на Блискиот Исток.

Во меѓувреме, по социјалните мрежи кружат вознемирувачко видео со тела на загинати по улиците.

Share on Facebook

Tweet

Follow us

Save