(Видео) НАТО силно го поддржува дијалогот меѓу Белград и Приштина

НАТО е посветен на дијалогот меѓу Белград и Приштина, стабилноста во регионот зависи од тоа сите страни да изберат дипломатија наместо насилство, велат од Алијансата.
По повод посетата на генералниот секретар Јенс Столтенберг на Западен Балкан, НАТО на социјалната мрежа „Х“ соопшти дека КФОР обезбедува безбедна средина за сите заедници во Косово.

„КФОР обезбедува безбедна средина во Косово за сите заедници. Тие објективно ќе ја продолжат својата работа во согласност со мандатот на ОН“, соопшти НАТО.

Како што наведоа, целта на НАТО е да обезбеди мир и стабилност во регионот.

„Стабилноста во регионот зависи од тоа сите страни да изберат дипломатија наместо насилство. НАТО силно го поддржува дијалогот меѓу Белград и Приштина под покровителство на ЕУ. „Двете страни мора да се ангажираат со добри намери“, соопшти НАТО.

Share on Facebook

Tweet

Follow us

Save