INFOMAX.MK

Попладнево повторно силно невреме ја зафати нашата земја, а како што јавува Центарот за управување со кризи, најпогодени се Крива Паланка, Велес и Кавадарци.

Од ЦУК посочуваат дека од силниот пороен дожд кој во попладневните часови ја зафати територијата на општина Крива Паланка надојдена е реката Латковица кај с. Огут. Од надојдената буица-вода кај пропустите на патот прекинат е сообраќајот на регионалниот патен правец с.Огут кон с. Нерав. Регионалниот пат води кон граница со Република Србија.

За настанот веднаш се известени Градоначалникот на Општина Кррива Паланка како и Раководителот на Македонија пат Подружница Крива Паланка.

Од ЦУК информираат исто така дека, поради обилните врнежи од дожд во градот Велес, ТППЕ Велес интервенираше на поплава на 2 деловни објекта на улица Благој Горев и на поплавена куќа на улица В.Атанасов 22 во населба Превалец.

– На регионалниот пат од Кавадарци-Прилеп, кај тунелите од силното невреме е пријавено надоаѓање на поголема количина на вода со опасност за излевање. Веднаш беа известени субјектите во СУК и беше стапено во контакт со лицето од ЕЛС Кавадарци кое не извести дека е стапено во контакт со изведувачот на тој патен правец и дека во случај на излевање на реката, во содејство со изведувачите на автопатот – Сино Хидро ќе интервенираат со нивни машини за да не дојде до излевање и поплавување на патот – нагласуваат од ЦУК.

ЛИНК од видео

ЛИНК од видео 2