(Видео) Нова револуција: Французите ја запалија зградата на градското собрание во Бордо!

Стотици илјади Французи протестираа денеска против пензиските реформи на претседателот Макрон. Денешниот ден е особено критичен за тензиите во земјата – најавени се повеќе од 200 протести, имаше судири меѓу демонстрантите и полицијата, демонстрантите предизвикаа пожари на многу улици, се подигнаа барикади, искршени се излози.

Се проценува дека во протестните акции учествувале 1 милион луѓе. Во доцните часови беше запалено градското собрание во Бордо. На социјалните мрежи кружат снимки од пламените јазици кои излегуваат од главниот влез, но пожарот брзо бил изгаснат од пожарникарите. Зградата била завршена во 1778 година – повеќе од 10 години пред Француската револуција.

Незадоволството дополнително беше поттикнато од синоќешното појавување на Макрон на телевизија, во кое тој рече дека протестите се „легитимни“, но дека нема да го принудат да направи пресврт.

Денеска е деветти ден од протестите против измените со кои старосната граница за пензионирање ќе се зголеми од 62 на 64 години. Според синдикатите, вечерва на улиците на Париз имало над 800.000 демонстранти. Тензиите се зголемија на почетокот на периферијата на поворките, каде дојде до судир со полицијата. Судири имало и во други градови – Нант, Марсеј, Лион, Рен итн. Полицијата употреби солзавец против демонстрантите, кои пак гаѓаа со предмети и пирати врз обезбедувањето.

Во текот на денот штрајкувачките групи ја запреа работата на училиштата, јавниот превоз, блокирани железнички линии, станици, аеродроми. Проблеми има и во рафинериите поради бранот работници кои протестираат, што го наруши и снабдувањето со гориво.

Share on Facebook

Tweet

Follow us

Save