(Видео) Пукна брана во Кина, евакуирани жители по поплавите!

Браната беше пробиена вчера попладне кај езерото Донгтинг во централната провинција Хунан, јави новинската агенција Синхуа.

Кинеските власти од утринава ги санираат последиците од поплавите по пукање на брана во централна Кина, каде што беа евакуирани речиси 6.000 жители, јавија државните медиуми.

Нема информации за жртви.

Водата од езерото поплави земјоделски површини и куќи во блиското село.

Кинескиот претседател Си Џинпинг повика да се направи се за да се спасат животите и имотот на луѓето.

Министерството за вонредни ситуации испрати повеќе од 800 луѓе, 150 возила и десетици чамци да помогнат во спасувачката операција.

Share on Facebook

Tweet

Follow us

Save