(Видео) Торнадо во Анталија усмрти четворица градежни работници, силен дожд ги поплави улиците во Истанбул
Најмалку четворица градежни работници загинаа, а петтиот е повреден кога ненадејно торнадо погоди градилиште во Анталија, на југот на Турција, во понеделникот доцна навечер. Силниот ветер кренал два контејнера што служеле како сместување за работниците и урнал кула-кран.
Според канцеларијата на гувернерот, двајца работници загинале на местото на настанот, а уште двајца починале во болница. При уривањето на кранот немало други жртви.
Гувернерот Хулуси Шахин го опиша торнадото, кое го погодило округот Кепез, како „исклучително локализирана појава“. Во другите делови на градот не биле пријавени слични временски услови.
Истиот временски систем донел и поројни дождови во Истанбул, поради кои биле поплавени улиците во областите Пендик и Тузла. Минувачи спасиле татко и ќерка кои останале заробени во автомобил во поплавениот подвозник Кајнарџа, додека сообраќајот на автопатот Д-100 бил запрен.
Поплавите се случуваат само 12 дена по рекордните врнежи во околината на Истанбул на 14 октомври, кога загинаа осум лица.
ПОВРЗАНИ ВЕСТИ
Кина ќе инвестира 15 милијарди долари во…
Кина и Турција потпишаа прелиминарен договор според…
Турција планира изградба на втора нуклеарна централа…
Канадската инженерска компанија „АткинсРеалис“ потпиша меморандум за…
Ердоган разговараше со Трамп: Турција ќе продолжи…
Турскиот претседател Реџеп Таип Ердоган во телефонски…
Испораките на руски гас за Турција речиси…
Испораките на руски гас за Турција преку…
Масакр во западна Турција, непознато лице уби…
Турската полиција трага по маж кој денеска…