(Видео) Ферари, Ламборџини, Бентли: Асад остави колекција луксузни автомобили во Сирија

Сирискиот претседател Башар ал Асад остави колекција луксузни автомобили во својата резиденција откако избега во Русија поради офанзивата на џихадистите.

Возилата биле складирани во гаража во близина на претседателската резиденција во Дамаск, која била ограбена откако џихадистите влегле во Дамаск. Според извештаите, колекцијата на Асад вклучувала повеќе од 40 луксузни автомобили.

Меѓу автомобилите е црвено „ферари“ Ф50, кое вреди повеќе од три милиони долари, потоа „ламборџини“, „ролс ројс“ и „бентли“, а најмалку едно од возилата е со таблички од Дамаск.

Да потсетиме дека, соочен со брзата офанзива на џихадистите кои имаа поддршка од САД, Турција и Израел, Асад и неговото семејство побегнаа во Москва, каде што добија политички азил, потврди официјален извор во Русија.

Share on Facebook

Tweet

Follow us

Save