Објавено на:

(Видео) Холандската Влада им се извини на воените ветерани кои ја бранеа Сребреница за време на војната

t

Холандската Влада им се извини на илјадници свои поранешни војници испратени да ја бранат Сребреница за време на војната во Босна.

Премиерот на Холандија Марк Руте вчера изјави дека војниците не биле опремени за да го спречат масакрот и дека им била дадена „невозможна задача“. Во јули 1995 година, околу 8000 бошњачки мажи беа масакрирани од страна на силите на босанските Срби, пишува денеска Би-Би-Си на српски јазик.

Во претходните години, холандските власти инсистираа дека Обединетите нации се виновни што не обезбедиле воздушна поддршка.

Но, зборувајќи со воените ветерани во база во централна Холандија, премиерот Руте ги прифати нивните тврдења дека имале проблеми затоа што „нивниот мандат, нивната опрема и воената поддршка за време на мисијата биле несоодветн“ и тоа го оневозможи извршувањето на задачата.

„Денеска се извинувам во име на холандската Влада на сите жени и мажи од Третиот баталјон. Ви се извинувам на сите вас овде, како и на оние кои не се денес овде, им рече Руте на ветераните.

„Со најголема можна почит и уважување за начинот на кој баталјонот продолжи да се труди да ја направи вистинската работа, во многу тешки околности, дури и кога тоа веќе навистина не беше можно“, посочи премиерот.

Во јули 1995 година, илјадници Бошњаци избегаа во Сребреница, која беше безбедносна зона на ОН. Баталјон холандски војници со лесно оружје го бранеше градот и не можеа да се спротивстават на напредувањето на војската на Република Српска.

Откако ги принуди холандските сили да се предадат, војската на босанските Срби, под контрола на генералот Ратко Младиќ, ги раздвои мажите и момчињата на возраст од 12 до 77 години поради, како што рекоа тогаш, „испитувања“. Во текот на следните пет дена, тие беа егзекутирани и закопани во масовни гробници.

Државата Србија негираше дека убиствата биле дел од планот за геноцид, но прифати дека е извршено злосторство.

Извинувањето на Руте дојде една година по објавувањето на извештајот кој содржи препораки за тоа како да се поддржат членовите на баталјоните кои се борат со посттрауматско стресно нарушување.

Во 2019 година, холандскиот Врховен суд пресуди дека Холандија е делумно одговорна за смртта на околу 350 мажи во масакрот во Сребреница, бидејќи тие мажи биле префрлени од нивната база и покрај тоа што знаеле дека се во сериозна опасност да бидат мачени или убиени од српските сили.

ПОВРЗАНИ ВЕСТИ

Дејли Мејл: Борис Џонсон размислувал за воен…

Екс-премиерот беше кажано дека е „збеснат“ откако…

Десничарската партија на Герт Вилдерс победи на…

Партијата за слобода на Герт Вилдерс повеќе…

Нетанјаху со Руте: Ние сме во битка…

Премиерот на Израел, Бенјамин Нетанјаху се сретна…

Јапонија и Холандија ќе обезбедат милиони евра…

Јапонија ќе обезбеди 10 милиони американски долари…

Холандската министерка за одбрана со шокантна изјава!

Холандската министерка за одбрана Кајса Олонгрен изјави…