INFOMAX.MK

На социјалните мрежи се појави видео од Србија, од автопатот во правец на Ниш, на кое е снимен конфликт меѓу придружбата на премиерот Ѓура Мацут и возило во кое се наоѓаат членови на кабинетот на српскиот претседател Александар Вучиќ.

Контроверзното видео го објави на социјалната мрежа X претседателот на Демократската партија, Срѓан Миливојевиќ.

На видеото, како што објавија медиумите од Србија, се слуша глас, за кој се претпоставува дека ѝ припаѓа на советничката на претседателот на Србија, Сузана Васиљевиќ, како излегува од возилото и вика: „Сега ќе му е*ам матер“, додека на член од обезбедувањето на премиерот Мацут му се обраќа со „идиоту“.

Во продолжението на видеото се слуша женски глас кој тврди дека станува збор за придружба од канцеларијата на претседателот Вучиќ, по што следува физичко туркање меѓу двајцата обезбедувачи.

Засега не се познати сите околности на овој инцидент, ниту идентитетот на сите учесници, а повеќе информации за можната позадина на конфликтот би можеле да се дознаат во наредните денови.

Je l ovo Suzana Vasiljević postrojava obezbeđenje Đure Macuta ko onomad Dijana Hrkalović što se iživljavala nad policijom?
Nije ni čudo što policija po nalogu Specijalnog tužioca ne sme da pretrese kabinet ministra Selaković.
A ti Ivice služiš da zapevaš na prijemu i zakukaš kad… pic.twitter.com/TtJfYNSiuk

— Srđan Milivojević (@srdjanmil037) May 17, 2025