Владата на ТИСА ќе биде влада на сите Унгарци, вели Маѓар утрово на Фејсбук

Довчерашниот унгарски опозиционер и иден премиер на Унгарија, Петер Маѓар, утрово се огласи на Фејсбук откако вчера извојува историска победа и освои двотретинско мнозинство на парламентарните избори, со што го заврши 16-годишното владеење на Виктор Орбан.

– Благодарност до сите Унгарци дома и низ целиот свет!
Огромна чест е што нè овластивте со најмногу гласови досега да формираме влада и да работиме во следните четири години за слободна, европска, функционална и човечна Унгарија.
Владата на ТИСА ќе биде влада на сите унгарски луѓе.
Седејќи во столицата на Лајош Батјани, како премиер, секој ден и во секој час од денот ќе работам за безбедноста и развојот на нашата татковина, како и за благосостојбата на унгарските луѓе.
Бог нека ми е на помош! – напиша Маѓар на Фејсбук.

Share on Facebook

Tweet

Follow us

Save