Владата објави: Колкава плата ќе зема Германецот Хајдекер како советник на Ковачевски?

Јоханес Хајдекер, поранешен советник на германската канцеларка Ангела Меркел, ќе биде платен од Владата со 36.000 денари месечно откако се најде во скратената листа од 12 надворешни советници на премиерот Димитар Ковачевски.

Хајдекер е именуван за „надворешен советник – интегриран експерт за зајакнување на капацитетот на економскиот тим во канцеларијата на претседателот на Владата на Република Северна Македонија“.

Владата ги објави хонорарите на надворешните соработни, откако претходно беа објавени платите на министрите во Владата..

Хонорарот на Хајдекер е ист како и повеќето од новата помала група на надворешни соработници на премиерот.

Инаку, тој стана надворешен советник за зајакнување на капацитетот на економскиот тим на премиерскиот кабинет во 2021 година, кога премиер беше Зоран Заев, а сега ќе продолжи и со Ковачевски.

Покрај него, Владата ќе прима совети од уште еден Германец – Валтер Дефа, кој е номиниран од Канцеларијата на германскиот канцелар. За разлика од Хајдекер, Дефа привремено доаѓа во земјава и не е на платен список на македонската Влада.

Share on Facebook

Tweet

Follow us

Save