ВМРО-ДПМНЕ демантира: Веста дека Мицкоски го повлече законот за реорганизација на Владата е неточна

Веста објавена на неколку електронски медиуми со наслов: „Мицкоски го повлече законот за реорганизација на Владата“ е неточна и истата во целост ја демантираме, велат од ВМРО-ДПМНЕ.

Од партијата појаснуваат дека Законот е повлечен за исправање на номотехничка грешка, по коригирање на истата законот беше веднаш поднесен и истиот денес ќе се најде на седница на Собранието.

– Потенцираме дека не станува збор за никакво повлекување на законот, туку за негова номотехничка корекција која е во насока на подобрување на предлог законското решение, додаваат од ВМРО-ДПМНЕ.

Според ТВ 21, која објави дека е повлечен предлог законот за реорганизација на министерствата, се правеле измени во поделбата и надлежностите на Министерството за информатичко општество кое, како што пишуваат, сега ќе биде дигитализација и администрација.

Share on Facebook

Tweet

Follow us

Save