Војник со кола влета во толпа на саем во Чиле, уби шест луѓе

Шест луѓе загинаа, а уште седуммина се повредени откако автомобил, зад чиј волан бил професионален војник, влета во толпа луѓе за време на саем во Чиле,

Според првичните информации, колата ненадејно забрзала и удрило во група посетители на настанот. Шесте жртви загинале на самото место.

Уште седум луѓе со повреди од различен степен биле пренесени во болница, каде им е укажана медицинска помош. Засега нема дополнителни официјални информации за нивната здравствена состојба.

Видеото објавено на социјалните мрежи ја покажува сцената непосредно на трагичниот настан, а се гледаат и луѓе од толпата кои се обидуваат да го отворат автомобилот.

Возачот, кој е припадник на војската на Чиле, веднаш е уапсен. Истражителите ги утврдуваат околностите под кои дошло до трагичниот инцидент. Во моментов нема потврдена информација за тоа дали ударот во толпата бил намерен.

Share on Facebook

Tweet

Follow us

Save