Во автомобил со тројца малолетници пронајдени дрога и оружје

Синоќа во 22 часот на регионалниот пат Тетово-Скопје, кај клучката Групчин, полициски службеници од Полициското одделение Групчин лишиле од слобода двајца малолетници од Тетово и еден малолетник од тетовското село Голема Речица.

„При преглед кај лицата и во возилото ‘сеат ибица’ со тетовски регистарски ознаки, кое го управувал малолетникот од Голема Речица, кај едниот малолетник од Тетово биле пронајдени марихуана, пиштол „Woltra Combat” калибар 9мм без документи и една дробилка.

Лицата биле приведени во полициска станица и во присуство на нивните родители со нив бил извршен службен разговор. По целосно документирање на случајот против нив ќе бидат поднесени соодветни пријави“, информира МВР.

Share on Facebook

Tweet

Follow us

Save