Во Германија лани се затвориле над 190.000 компании

Минатата година во Германија се затвориле 196.100 компании , што е за 16 проценти повеќе отколку во 2023 година. Ова е најголем број затворања од 2011 година, јавува ДПА.

– Бројот на компании што трајно ги затвораат своите врати во сите сектори на економијата е алармантен – рече Патрик-Лудвиг Ханц од „Кредитреформ“.

Во индустрискиот сектор, домашните компании страдаат поради високите трошоци за енергија во производството и сè посилната конкуренција од странство, вели тој.

Во енергетски интензивниот производствен сектор, бројот на пропаднати компании се зголеми за 26 проценти. Слична е ситуацијата и во ИТ секторот, развојот, еколошките технологии и дијагностиката .

Share on Facebook

Tweet

Follow us

Save