Вртоглав пад на еврото во однос на доларот

На светските пазари вредноста на доларот во однос на останатите валути силно порасна минатата недела бидејќи американската ФЕД повторно агресивно ги зголеми каматните стапки, па со тоа курсот на еврото падна на најниско ниво во последните 20 години, далеку под еден долар.

Индексот на доларот, кој го покажува движењето на американскиот долар во однос на другите светски валути, минатата недела порасна за 3 отсто на 112,96 поени, а во еден момент, за прв пат по 20 години, се проби над нивото од 113 поени.

Растот на доларот втора недела по ред е благодарение на дополнителното зголемување на каматните стапки од страна на американската централна банка.

Слична е ситуацијата и со Британската валута, фунтата минатата недела потона за 3% на 1,0840 долари и е на најниско ниво во изминативе 37 години.

Share on Facebook

Tweet

Follow us

Save