Вучиќ: Пензиите во Србија ќе бидат зголемени за 12,2 проценти

Српскиот претседател Александар Вучиќ објави дека пензиите ќе бидат зголемени за 12,2 проценти од 1 декември. Просечната пензија ќе изнесува 485 евра, прецизираше Вучиќ. Тој најави дека минималната плата повторно ќе биде зголемена од 1 јануари.

„Наместо 436 евра, колку што е просечната пензија денес, таа ќе изнесува 485 евра“, рече Вучиќ во обраќањето до јавноста во Палатата на Србија во врска со новите државни мерки во корист на српските граѓани. „Ова е прекрасна вест за нашите најстари граѓани. Од 1 декември, почитувани граѓани на Србија, пензионери, наши драги татковци, мајки, дедовци, баби, вашата пензија ќе биде зголемена за 12,2 проценти“, рече Вучиќ.

Тој потсети дека минатиот декември пензиите се зголемени за 10,9 проценти, што, нагласи, е вкупно кумулативно зголемување од 24,4 проценти на пензиите во споредба со ноември.

Share on Facebook

Tweet

Follow us

Save