Вучиќ: Сигурен сум дека ќе се утврди кој е кривично одговорен за несреќата во Нови Сад

Сигурен сум дека надлежните државни органи ќе утврдат кој е кривично одговорен за трагедијата што ја снајде нашата земја, изјави претседателот на Србија Александар Вучиќ во врска со несреќата во Нови Сад кога 14 лица загинаа, а тројца беа тешко повредени при несреќата на Железничката станица.

На прес-конференцијата по средбата со шефот на Делегацијата на Европската Унија во Србија, Емануел Џофре, Вучиќ уште еднаш им изрази сочувство на семејствата на жртвите во несреќата во Нови Сад.
Да потсетиме, Вишото јавно обвинителство во Нови Сад досега сослушало 40 лица, меѓу кои и министерот за градежништво Горан Весиќ, директорот на Заводот за заштита на спомениците на културата во Нови Сад, одговорните во „Железници Србија “ и „Српска железничка инфраструктура“ и одговорните за извршување на работите .

Исклучена е документацијата на Министерството за градежништво, која ќе биде предадена на стручни лица на понатамошна обработка.

Share on Facebook

Tweet

Follow us

Save