Вучиќ: „Што им згрешивме на Бугарите?“

Амбасадорите на земјите членки на ЕУ вчера не дадоа зелено светло за отворање на Кластерот 3 за Србија во преговорите за членство за ЕУ. Вучиќ вели дека Унгарија ќе закаже нова средба за следната недела и дека во тоа нема сомнеж.

На вчерашната седница против отворањето на Кластерот 3 беа осум земји, три балтички земји, Шведска, Финска и Холандија, како и Хрватска и Бугарија.

„Да ме прашаше Господ што им згрешивме на Бугарите, немаше да знам како да ви кажам и објаснам. Изгледа разбирам кои се вистинските причини, иако никогаш нема да ги слушнете. И јас ги разбирам и Хрватите, немам голем проблем да го разберам. А за нас има две важни вести да продолжиме да се бориме и да разговараме со сите нив“, вели претседателот.

Исклучително позитивно е, посочува, што Германија е апсолутно за отворање на кластерот три, додека Франција и Италија беа и остануваат за тоа.

„Им благодариме ако ни го отворат тој кластер три. Им благодариме и ако не го отворат. Воопшто нема проблем. Следната година ќе се стремиме да бидеме најбрзо растечка економија во цела Европа“, рече претседателот.

Share on Facebook

Tweet

Follow us

Save