Германија воведе забрана за активностите на Хамас

Германија денеска воведе забрана за активностите на Хамас, веќе означена терористичка организација во таа земја, како и на пропалестинската група Самидун.

„Денеска целосно ги забранив активностите на терористичката организација Хамас, чија цел е да ја уништи државата Израел“, се вели во соопштението на германската министерка за внатрешни работи Ненси Фесер.

Во соопштението се истакнува дека, како меѓународна мрежа, Самидун ширел антиизраелска и антиеврејска пропаганда под превезот на „солидарна организација“ за затвореници во различни земји.

„Одржувањето на спонтани „прослави“ овде во Германија, како реакција на страшните терористички напади на Хамас врз Израел, покажува дека Самидун има антисемитски и нехуман поглед на светот на особено одвратен начин“, рече германскиот министер, пренесе Дојче веле.

Share on Facebook

Tweet

Follow us

Save