Германија ги советува своите граѓани да не патуваат на северот на Косово

Министерството за надворешни работи на Германија ги советува своите граѓани да не патуваат на северот на Косово.
Ова предупредување се најде на веб-страницата на МНР уште од протестите минатата година по изборот на нови градоначалници на северот на Косово.

Во ажурираното предупредување, на германските граѓани кои патуваат за Косово преку Србија и обратно, им се препорачува да не поминуваат низ четирите општини на северот на Косово.

„Не се препорачува патување на северот на Косово (општините Зубин Поток, Лепосавиќ, Звечан и Северна Митровица). Ситуацијата на северот на Косово и понатаму е тензична поради политичките тензии меѓу Косово и Србија. Во текот на изминатата година имаше неколку демонстрации, материјална штета и жестоки судири во кои беа повредени десетици војници на КФОР, како и неколку цивили и полицајци, а во септември 2023 година, меѓу другите, загина и еден полицаец. Косовската полиција, ЕУЛЕКС и КФОР го зголемија своето присуство во тие области. Сепак, не се исклучува можноста да има дополнителни безбедносни инциденти кои би можеле да ги погодат и странците. Може да има и повремено затворање на поединечни гранични премини меѓу Косово и Србија“, се наведува во предупредувањето.

На германските граѓани им се препорачува да ги одложат патувањата на северот на Косово, доколку отидат, да ги следат упатствата на локалните безбедносни сили, да избегнуваат демонстрации и големи собири на луѓе, за да се информираат за актуелната безбедносна состојба во локалните медиуми.

Share on Facebook

Tweet

Follow us

Save