INFOMAX.MK

Германската влада најави законски измени кои ќе овозможат ограничена легализација на поседувањето и одгледувањето канабис, но плановите не одат толку далеку колку што првично беше најавено.

„Предлог-законот предвидува неказнивост за поседување до 25 грама марихуана и три стебленца канабис“, се вели во предлог-законот претставен во Берлин од министерот за здравство Карл Лаутербах (Социјалдемократската партија на Германија, СПД) и министерот за земјоделство Џем Оздемир ( Зелените), објави Хина.

Понатаму, ограниченото ослободување на канабис ќе биде дозволено во посебни здруженија и со строга контрола на количината. Лаутербах и Оздемир рекоа дека главната цел на законските измени е да се намали нелегалниот пазар на опијати.

„Никој никогаш не треба да добива дрога од дилер што не знае што купува“, рече Лаутербах. Оздемир рече дека сегашната политика „целосно ја промашила својата цел“, што го покажува и зголемувањето на бројот на кривични пријави за злоупотреба на дрога.