Германија спречи нови санкции против Русијa

ЕУ не постигна договор за 14-тиот пакет санкции против Русија, откако Германија изрази резервираност за клаузулата за подружници и партнери од трети земји за германската економија, пренесува Ројтерс.

Официјални лица од 27-те земји на ЕУ повеќе од еден месец дебатираат за пакетот санкции што вклучува забрана за претовар на руски течен природен гас и план операторите на ЕУ да бидат одговорни за прекршување на санкциите од страна на филијали и партнери во трети земји.

Како дел од пакетот санкции, ЕУ, исто така, требаше да им забрани на бродовите кои придонесуваат во воените напори на Русија да влезат во нејзините пристаништа.

Амбасадорите на ЕУ требаше да разговараат и да одлучуваат за ова прашање, но темата за санкциите во последен момент беше повлечена од дневниот ред на состанокот.

Следната средба на амбасадорите е закажана за в среда.

Според Ројтерс, Унгарија очигледно била подготвена да го прифати 14-тиот пакет санкции против Русија.

Share on Facebook

Tweet

Follow us

Save