Германската крајна десница АфД убедливо победи во Саксонија-Анхалт, покажуваат излезните анкети

Крајнодесничарската Алтернатива за Германија (АфД) освои убедлива победа на покраинските избори во Саксонија-Анхалт, покажуваат излезните анкети, пренесува Euronews. Сепак, останува неизвесно дали партијата ќе успее да формира влада и да ја преземе власта во покраината.

Според проекциите на германскиот јавен сервис ARD, АфД освоила 44,5 отсто од гласовите, далеку пред Христијанско-демократската унија (ЦДУ) со 18,5 отсто. Следуваат Левицата со 9,5 отсто и Социјалдемократската партија (СПД) со 8 отсто.

Резултатот може значително да ја промени политичката слика во источниот дел на Германија и да претставува сериозен тест за владејачката коалиција на канцеларот Фридрих Мерц на федерално ниво.

На изборите гласале повеќе од 1,7 милиони граѓани.

На чело на АфД во Саксонија-Анхалт е Улрих Зигмунд, а убедливиот резултат на партијата дополнително го засилува притисокот врз останатите политички сили во покраината.

Доколку АфД успее да формира влада, тоа би било историски преседан – за првпат по Втората светска војна крајнодесничарска партија би раководела со една германска покраина.

Share on Facebook

Tweet

Follow us

Save