ГИ БРКААТ СО БУЛДОЖЕР ЗА ДА ГИ ПРЕГАЗАТ! Страшно видео на кое се гледа како израелска војска се справува со палестинските новинари!

Израелската армија се обидела да прегази палестински новинари додека снимале и известувале за армиската инвазија на логорот Џенин!

На видеата кои кружат на интернет, а ги пренесоа и некои познати медиумски куќи, може да се видат новинари и сниматели со јасни ознаки ПРЕС на облеката, кои снимаат и известуваат.

Новинската екипа на палестинската телевизија во еден момент почнува да се повлекува, бидејќи кон нив се упатува оклопно возило булдожер и се слушаат истрели.

Според извештаите, сè се случило во четвртокот, на 30 август, во близина на кружниот тек Асфур во Џенин, на север од окупираниот Западен Брег.

– Војската отвори директен оган врз нас, фала богу никој не беше повреден. Тоа беа предупредувачки истрели, поради што моравме да се повлечеме и да ја напуштиме областа – изјави за Алмајадин член на новинарската екипа.

Израел минатата недела започна голема воена операција на Западниот Брег, наведена како „антитерористичка операција за борба против теророт“ во Џенин и Тулкарм.

Share on Facebook

Tweet

Follow us

Save