Ги насанкаа: Европската Комисија ќе ѝ ја компензира штетата на Унгарија доколку поддржи ембарго за руската нафта?

Унгарија ќе ја поддржи забраната за увоз на нафта од Русија само доколку Европската комисија предложи решение за последователните проблеми во овој поглед, изјави министерот за надворешни работи Петер Сијарто. Тој рече дека Унгарија нема да може да го поддржи шестиот пакет антируски санкции се додека тоа ги нарушува интересите на унгарскиот народ.

Претставниците на земјите од ЕУ денеска ќе направат нов обид да се договорат за нов пакет антируски санкции. Камен на сопнување е ембаргото за нафта, на кое се противат Унгарија, Бугарија и Словачка.

ЕУ размислува да и обезбеди компензација на Унгарија како поддршка на ембаргото за нафта, објави Политико. Официјалните претставници на ЕУ размислуваат да обезбедат финансиска компензација за Унгарија за да го убедат премиерот Виктор Орбан да ги поддржи санкциите против руската нафта и шестиот круг санкции.

Орбан веќе изјави дека санкциите со кои се воведува ембарго на руските добавувачи на енергија се „нуклеарна бомба“ за унгарската економија.

Share on Facebook

Tweet

Follow us

Save