Глобалниот пазар на обврзници под огромен притисок – американскиот принос достигна 5,34%

Паралелно со геополитичката криза се развива уште еден потенцијално сериозен проблем: наглото зголемување на цената на задолжувањето низ светот.

Приносот на десетгодишната американска државна обврзница денеска достигна околу 5,34% – највисоко ниво од 2002 година, според Reuters.

Распродажбата не е ограничена само на САД.

Трошоците за задолжување растат и во Велика Британија, Германија, Франција и Јапонија, при што повеќе пазари достигнуваат повеќегодишни или повеќедецениски екстреми.

ММФ засега оценува дека пазарите продолжуваат да функционираат уредно, но причините за растот на приносите се сериозни.

Еден од најголемите проблеми повторно е енергијата.

Според ММФ, цените на дизелот, бензинот и авионското гориво се меѓу 60% и 97% над нивоата пред конфликтот, што повторно го зголемува инфлацискиот притисок.

Повисоките приноси значат поскапи кредити за државите, компаниите и домаќинствата.

Затоа движењето на американските обврзници можеби изгледа како финансиска тема, но неговите последици можат директно да се прелеат врз хипотеките, корпоративните инвестиции, државните буџети и економскиот раст.

Share on Facebook

Tweet

Follow us

Save