Големи поплави во Словенија: Штетата се проценува на околу два милиони евра

Силни поплави ги погодија северниот и североисточниот дел на Словенија по обилните врнежи од дожд и силните ветришта што ја зафатија земјата во неделата попладне. Поплавени се куќи и деловни објекти, додека ветрот оштети покриви и корнеше дрвја.
Локалниот пат меѓу Загорје и Литија е блокиран од свлечиште, а уште еден одрон се заканува на куќа во општина Жалец, јави агенцијата СТА.

Во долината Логар во северна Словенија блокиран е патот до водопадот Ринка, што е вторпат областа да биде зафатена од поплави за нешто повеќе од една недела.
Планинарската спасувачка служба спасила 19 планинари од планините околу долината.
Се проценува дека обилните врнежи од дожд минатата и оваа недела направиле штета од околу два милиони евра.

Share on Facebook

Tweet

Follow us

Save