Голем скандал: ХАЈЛ ХИТЛЕР и говор на Хитлер одекнуваа во австриски возови

Патниците на меѓуградскиот воз на линијата Брегенц-Виена во Австрија биле шокирани кога во возот била пуштена снимка од говорот на германскиот нацистички лидер Адолф Хитлер.

Покрај тоа, наместо вообичаените најави за следната станица, „Хајл Хитлер“ и „Зиг Хајл“ се огласија од системот за јавно обраќање во возот во неделата, објави денеска Би-би-си. Операторот соопшти дека во последните денови имало неколку вакви инциденти.
Патник на линијата Брегенц-Виена изјавил дека сите во возот биле целосно шокирани.

Пратеникот на Партијата на зелените, Дејвид Стегмилер, рече дека говорот на Хитлер се слушал преку домофон непосредно пред да пристигне возот во Виена.
„Прво слушнавме 30 секунди од говорот на Хитлер, а потоа „Zig Heil““, рече Стегмилер.
Тој изјави дека персоналот на возот не може да го прекине снимањето и не може да дава свои соопштенија.
Еден од нив беше навистина вознемирен“, рекол патник во воз.

Стегмилер рече дека добил е-пошта од маж кој бил во воз со старица која преживеала во концентрационен логор, кој рекол дека старицата плачела кога го слушнала говорот на Хитлер.
Стегмилер истакна дека друг патник забележал дека кога другите земји имаат технички проблеми во возовите, тоа обично е поврзано со дефекти на климатизацијата и дека „во Австрија техничкиот проблем е Хитлер“.

Во соопштението испратено до Би-Би-Си, Австриските железници (ОЕББ) велат дека „апсолутно се оградуваат од содржината на пораките што се емитуваат во возот“.
„Во моментов можеме само да претпоставиме дека се работи за најави од луѓе директно во возот преку домофон. Случајот го пријавивме во полиција“, соопшти ОЕББ.
Според извештаите, пријави се поднесени против две лица, јави Танјуг.
Хитлер е роден во Австрија, но емигрирал во Германија во 1913 година како млад човек.

Share on Facebook

Tweet

Follow us

Save