INFOMAX.MK

Секогаш добро упатениот шпански медиум „Марка“ пренесе неверојатна информација. Шпекулациите дека Кристијано Роналдо би можел да заигра во Ал-Наср се пред исполнување.

Според Шпанците, Португалецот од први јануари ќе заигра во првенството на Саудиска Арабија и ќе стане најплатен фудбалер на светот. Според информациите кои се појавија минатата седмица, Роналдо би заработувал речиси 200 милиони евра по сезона, што убедливо ќе го издвои на врвот како најплатен на светот и на сите времиња.

Кристијано Роналдо поради несогласувања со Манчестер Јунајтед и Тен Хаг имаше спорно интервју, во кое отворено зборуваше за клупските проблеми. Поради тоа договорот му беше прекинат и тој остана слободен агент. Сега се очекува вистински „бум“ на Блискиот Исток, бидејќи ѕвезда како Роналдо никогаш не играла на тие простори.

Ал Наср по осум кола во Премиер лигата на Саудиска Арабија е второпласиран со три бода помалку од Ал Шабаб, меѓутоа ако дојде Роналдо со сигурност ќе стане главен претендент за тронот.

Извор: gol.mk