Да бидеме хумани: Во затвор затоа што не можат да плати казна и скопска легенда која ги хранеше бездомниците, а сега и самиот нема парче леб

Почитувани медиуми, Ви се обраќаме директно со надеж дека ќе споделите за два хуманитарни настани кои ги организираме за двајца наши другари.

Првиот настан е во Сабота на 11.03 во кафулето Олд Скул се собираат производи, храна, хигиенски средства, кафе, чај, тутун, сок како би направиле пакет за Никола Ристов – Кољо, човек без родители кој заради прекршување на полицискиот час за време на карантините, бидејќи не е во можност да плати 121.000 денари казна, е осуден на затворска казна од 4 месеци и ги отслужува во затворот во шутка. Очекуваме скопскиот андерграунд и воопшто луѓето кои не познаваат и го познаваат лично да донесат донации кои во Недела на 12.03 би му ги однеле на Кољо.

Вториот хуманитарен настан е на 16.03, Четврток, во бифето на МКЦ, за Небојша Додевски – Грицко. Скопска легенда, основач и двигател на организацијата – ХРАНА А НЕ ОРУЖЈЕ, која секој викенд подготвуваше храна за бездомниците и луѓето кои гладуваат во Скопје. Тој заради неговите здравствени проблеми не е во можност да егзистира пристојно, игнориран од СИСТЕМОТ и ИНСТИТУЦИИТЕ, останува НИЕ неговите другари да пробаме да собереме средства како би можел полесно да се бори и да живее достоинствен живот.

Почеток на хуманитарниот настан е во 16:20 со музичко, културно уметничка програма на која учество ќе земат : Јана Гигова, ДСШ, Тотално Опуштање, БРУКА, Димиш, Кацар, Каил, Катран, Бибич, Сара Џи, Сватовски, како и Диџеите, ЖОЛТИМАН, ЈАМЕ ЗНАМЕ, ЛИКВИД ИЛУЖН, ДЕМОНИЈАК ИНСОМНИЈАК.

Влезницата ќе биде со донација, ќе има и посебна кутија но и дел од средствата планираме да ги собереме од многу македонски бендови и артисти кои ќе донираат свои музички изданија, беџови, мајци, прешивачи и други материјали, кои би се продавале, се со цел да собереме поголема сума на пари.

Кога системот и институциите се слепи и глуви, не забораваат и опресираат, омаловажуваат и стигматизираат, наша должност е да си помагаме едни на други. Затоа и акциите го носат името “БРАТ ЗА БРАТ”, а целта е преку организирано делување да помогнеме на луѓето кои се наоѓаат во лоша ситуација.

Share on Facebook

Tweet

Follow us

Save