Две лица загинаа во шумски пожар во Грција

t

Пожар во областа Коринт, на југот на Грција, поради силниот ветер неконтролирано се шири, а две безживотни тела се пронајдени неколку часа откако две лица беа пријавени за исчезнати, соопшти денеска грчката противпожарна служба.

Станува збор за двајца мажи кои тргнале со мотори за да му помогнат на својот познаник, пренесува Катимерини.

Жителите на неколку загрозени села добија наредба да се евакуираат, а пожарникарите цела ноќ се бореа со огнот, пишува порталот.

Борбата со пожарот ја отежнува силниот ветер.

Вработени се околу 350 пожарникари, 110 возила, 5 авиони и 4 хеликоптери, јавува Танјуг.

Регионалниот гувернер на Пелопонез, Димитрис Птохос изјави дека пожарот брзо се проширил и излегол од контрола поради многу силните ветрови што дувале во областа вчера.

„Изгоре голема површина од шумата, но во моментов не можеме да процениме колку хектари. Исто така, изгореа и некои рурални куќи“, рече Птохос.

Тој додаде дека училиштата во општина Ксилокастро-Евростини денеска нема да работат.

Пожарот избувна во неделата наутро во шумска област на Коринт.

ПОВРЗАНИ ВЕСТИ

ГРЦИЈА ОБЈАВИ ДЕТАЛИ ЗА ПЛАНИРАНИОТ АТЕНТАТ –…

План за атентат врз лице во Грција,…

(Видео) АНБ ОТКРИ ИРАНСКА ПРОКСИ МРЕЖА ВО…

АНБ во соработка со МВР откри и…

Почина 18-месечно бебе во Грција откако испило…

Машко бебе на 18-месечна возраст вчера почина…

Грција: Уапсени родители на четиримесечно бебе кое…

Полицијата во грчкиот град Патра, на југот…

Стотици луѓе на улиците во Атина поради…

Стотици луѓе протестираа на улиците во Атина…