Демократите предлагаат да му се одземе на претседателот ексклузивното право да започне напад со нуклеарно оружје!

Демократите се залагаат за ограничување на нуклеарните овластувања на американскиот претседател, пренесува РТ.

Демократите во Претставничкиот дом и Сенатот поднесоа предлог-закон што ќе ја принуди Белата куќа да побара одобрение од Конгресот пред да нареди нуклеарен напад, инсистирајќи дека претседателот не треба да има еднострано овластување да започне нуклеарна војна.

Сенаторот Ед Марки и претставникот Тед Лиу во петокот, објаснија дека „Законот за ограничување на првата употреба на нуклеарно оружје“ ќе му забрани на секој американски претседател да „почне нуклеарен напад без претходно одобрение од Конгресот“, како што ги потврдува воените овластувања на пратениците според Уставот на САД.

„Ниту еден претседател нема право или уставно овластување еднострано да објави војна, а камоли да започне нуклеарен прв удар“, рече сенаторот Марки во изјавата. Во исто време, Лиу додаде дека „никој не треба да има способност да започне војна што ќе стави крај на животот каков што го знаеме“.

Share on Facebook

Tweet

Follow us

Save