Димковски: Со 10 денари за откуп на пченица, ВМРО-ДПМНЕ го закопа македонското земјоделство

Се случува хаос во земјоделието, земјоделците се оставени сами на себе едвај да преживуваат во тешки услови.ВМРО-ДПМНЕ и Цветан Трипуновски ниту знаат, ниту имаат капацитет да креираат вистински политики за развој на земјоделството, изјави Трајан Димковски, претседател на Комисијата за земјоделство, шумарство и водостопанство на СДСМ.

-Лажeа пред избори дека ќе донесат нови мерки, дека ќе има повеќе пари за субвенции. Реалноста на терен е сè посурова, а македонското земјоделството тоне секој ден. Оваа година, откупната цена на пченицата падна драстично, само 12 денари за килограм, па дури и помалку. 25.000 земјоделци кои произведуваат пченица на 70.000 хектари се директно засегнати.

И овие 12 денари што Трипуновски сака да ги преставува како висока откупна цена, на терен се пониски. По 12 денари за килограм ќе биде откупен само еден мал дел или околу 20%, а другото од околу 80% ќе биде откупено по цена од 10 денари. Во време на владите на СДСМ, во време на жетва пречницата се продавала и по 17 денари за килограм и тоа не така одамна – рече Димковски.

Share on Facebook

Tweet

Follow us

Save