Доброволно служење воен рок одамна постои, Силјановска нема основно познавање од областите кои се во нејзина надлежност, велат од СДСМ

Силјановска Давкова демонстрира целосно непознавање на областите од нејзина надлежност. Дава предлози за некакви консултации околу прашања кои одамна се решени, велат од СДСМ.

„Доволно ќе беше да прочита барем дел на суштинскиот закон кој ја дефинира нејзината надлежност, законот за одбрана, и ќе видеше дека во десетина членови и сега е предвидено доброволно отслужување на воен рок. И тоа е така веќе речиси две децении.

Очигледно претседателката уште еднаш потврдува дека е залутана на позицијата Врховен командант на Армијата“ наведуваат од партијата.

Според Законот за Армија, како што појаснуваат од СДСМ, воената служба на граѓаните се состои од 1) Доброволно служење на воен рок и 2) Служба во резервните сили на Армијата.

„Силјановска Давкова од почетокот на совјата функција докажува дека нема никаков капацитет да биде Врховен командант на македонската Армија, прекршува протоколи и не ги познава законите. Очигледно нема ниту Кабинет кој знае да и укаже на ваквите елементарни непознавања“ порачаа од СДСМ.

Share on Facebook

Tweet

Follow us

Save