Договорена локацијата на средбата меѓу Путин и Трамп

Локацијата на средбата Путин-Трамп е договорена и ќе биде објавена малку подоцна, изјави помошникот на рускиот претседател Јуриј Ушаков.

„На предлог на американската страна, во принцип е договорено да се одржи билатерален состанок на највисоко ниво во наредните денови, односно состанок меѓу претседателите Владимир Путин и Доналд Трамп“, рече дипломатот.

„Сега, заедно со нашите американски колеги, почнуваме да работиме на конкретни прашања“, додаде Ушаков. Според него, специјалниот претставник на американскиот претседател Стив Виткоф се осврнал на идејата за трилатерален состанок меѓу рускиот лидер Владимир Путин, американскиот претседател Доналд Трамп и Владимир Зеленски, но Москва го оставила без коментар.

Москва ќе ги информира своите пријатели и партнери за резултатите од работниот состанок на Путин со Виткоф.

„Сите веќе знаат дека вчера, веднаш по извештајот на Виткоф, Трамп се јавил кај голем број водечки европски партнери и разговарал со нив“, потсети дипломатот. „Би сакал да нагласам дека ние, користејќи ги соодветните канали, веќе почнавме да ги информираме нашите најблиски партнери и пријатели за прашањата што беа дискутирани за време на гореспоменатиот состанок со Витков“, додаде помошникот на рускиот лидер.

Ушаков, исто така, истакна дека состанокот меѓу Путин и Витков бил конструктивен и дека е разговарано за понатамошна заедничка работа за решавање на украинската криза. Следната недела е одредена како референтен датум за состанокот меѓу Путин и Трамп, но тешко е да се каже колку дена ќе траат подготовките.

Share on Facebook

Tweet

Follow us

Save