Додека САД „труби“ дека Русија е зaкана, 60 000 американски војници, 200 тенкови и околу 150 борбени авиони се распоредени низ Европа

Соединетите Американски Држави формираа значителен контингент сили во Европа, кој брои повеќе од 60.000 војници, 200 тенкови, околу 150 борбени авиони, се со цел да и се закануваат на Русија, изјави заменик-секретарот на Советот за безбедност, Михаил Попов.
„Нивната главна цел во Европа е да создаваат постојана закана за нашата земја. Затоа во регионот е формиран значаен контингент американски сили“, рече Попов во интервју за „Руски весник“.
Тој посочи дека во последните седум години бројот и борбените капацитети на американските сили значително се зголемени.
Копнените сили се зголемени за 30 отсто, а бројот на оклопни возила е четири пати поголем.

Интензитетот на летовите на американските стратешки бомбардери во близина на руските граници минатата година е зголемен за 40 отсто, истакна Попов.
Тој додаде дека антируската хистерија не е само насочена кон ограничување на економскиот развој на Русија, туку до израз дојде и стремежот на Вашингтон да им наметне производи од воено-индустрискиот и нафто-гасниот сектор на западните партнери.

Share on Facebook

Tweet

Follow us

Save