Додик во посета на Орбан: Благодарен сум за неговата поддршка кон Република Српска

Претседателот на Република Српска, Милорад Додик, објави дека е во посета на својот пријател Виктор Орбан, премиерот на Унгарија, лидер кој јасно и храбро стои зад волјата на народот, демократијата и суверенитетот.

„Благодарен сум за неговата поддршка кон Република Српска и неговите јасни пораки да се почитува она што народот го избира, а не она што неизбраните го наметнуваат“, напиша Додик на платформата X и додаде:

„Нашата борба е иста – да се запрат злоупотребите на судството и самоволието на длабоката држава. Крајот на тоа е близу. Моќта на народот се враќа во Европа, а со неа и правдата. Слободата ќе победи, демократијата ќе победи!“. Додик, заедно со текстот, објави фотографии на кои е со Орбан, српскиот член на Претседателството на Босна и Херцеговина, Жељко Цвијановиќ.

Share on Facebook

Tweet

Follow us

Save