Досегашен рекорд: Германија лани извезла оружје за 12,2 милијарди евра

Минатата година германската влада издаде дозвола за извоз на оружје во вредност од 12,2 милијарди евра, од кои повеќе од една третина беше извезена во Украина, објави германското Министерство за економија.

Во однос на 2022 година, вредноста на оружјето за кое Владата издаде дозвола за извоз е зголемена за 46 отсто. Досега во рекордната 2021 година е извезено германско оружје во вредност од 9,35 милијарди евра.

Поточно, во 2023 година е извезено воено оружје во вредност од 6,4 милијарди евра. Останатите 5,8 милијарди одат на рачно, спортско и ловечко оружје, како и радарска и комуникациска опрема.

„Новиот статистички рекорд на дозволи за извоз на оружје за 2023 година е директна последица на денешните предизвици во безбедносната политика“, рече државниот секретар во Министерството за економија Свен Гилголд.

Тој рече дека се работи конкретно за „континуираната поддршка на Германија за Украина во одбраната од рускиот напад“.

Share on Facebook

Tweet

Follow us

Save