INFOMAX.MK

Доцни исплатата на октомвриската плата во јавното претпријатие „Комунална Хигиена Скопје“, информираат вработени во КХС во порака испратена до Инфомакс.

Работниците наведуваат дека платата која ја добиваат не е целосна и дека се доцни, се уште нема исплатено целосна плата за месец октомври, вработените добиваат половина плата и тоа со задоцнување.

Во продолжение пораката исратена до Инфомакс.

Од комуналното претпријатие до овој момент не одговорија на прашањата на Инфомакс дали е вистина дека платите не се исплаќаат целосно и поради кои причини.

Плата три месеци немаат земено ниту од ЈП Паркови и зеленило. Според информациите на Инфомакс претпријатиедо должи 39,8 милиони денари за плата за октомври и исто толку за ноември.

Вработените во Паркови и зеленило, Флораком и Луна ДООЕЛ претходно протестираа поради неисплатени плати.

Од Сојузот на синдикати на Македонија за Инфомакс ја потврдуваат оваа информација:

– Од страна на СО во ЈП Паркови и зеленило Скопје и ЈП Комунална хигиена Скопје е побарана средба со раководствата на претпријатијата при што во едното претпријатие е остварена таква средба додека во ЈП Паркови и зеленило Скопје се чека назначување на нов директор по што се очекува и нормализирање на состојбата во претпријатието и исплата на плата, а во ЈП Комунална хигиена Скопје е исплатена половина од плата за октомври и се очекува во текот на неделава исплата и на останатата половина од платата.

Синдикатот СУТКОЗ одблиску ја следи состојбата и во наредните денови се очекува работниците заедно со раководствата на синдикалните организации во овие две јавни претпријатија да ги утврдат следните чекори. – велат од ССМ.