Дрон се урна во нафтен терминал во Русија!

Дрон се урна во нафтениот терминал во Орловската област во Русија, на околу 200 километри од украинската граница, изјави гувернерот Андреј Кличко.

„Утринава околу четири часот по полноќ, беспилотно летало удри во нафтениот терминал во населбата Стални Кон“, напиша тој на својот канал „Телеграм“.

Никој не беше повреден“. Итните служби работат на лице место“, додаде Кличко.

Иако регионот нема граница со Украина, тој се граничи со руските региони Курск и Брјанск, каде официјални лица пријавија повеќекратни украински напади откако Русија ја започна својата воена операција во соседната земја на 24 февруари.

Според извештаите, дронот удрил во горниот дел од челичниот резервоар, кој е „четвртина“ полн со нафта. Во соопштението се додава дека нема протекување или пожари.

Терминалот е дел од нафтоводната мрежа „Дружба“, која ја снабдува Европа со руска нафта.

Орловската област, заедно со неколку соседни региони, беше ставена во состојба на готовност минатиот месец.

Share on Facebook

Tweet

Follow us

Save