Еве кој гласаше за измените на законот и за повеќе министерства

Собранието со 88 гласа „за“ и 22 „против“ ги донесе измените и дополнувањата на Законот за организација и работа на органите на државната управа, со што бројот на министерствата се зголеми.

Поддршка за законските измени и за нови министерства дадоа 58 пратениците од ВМРО-ДПМНЕ, 14 од ВРЕДИ, шест од ЗНАМ, два од турската партија ТДП, еден пратеник од ДПА и шест пратеници од ДУИ.

СДСМ со 16 и Левица со шест пратеници беа „против“ измените и дополнувањата на законот со (вкупно 22 пратеници), а Моника Зајкова од ЛДП беше отсутна.

Мандатарот Христијан Мицкоски, кој исто така е и предлагач на измените, најави дека нова влада би можело да биде формирана пред истекувањето на дваесетдневниот рок што започна да тече во четвртокот на 6 јуни.

Share on Facebook

Tweet

Follow us

Save