Европа си легна на брашното: Ќе се менува планот за ембарго на руската нафта?

Европската комисија (ЕК) предложи промени во планираното ембарго за руската нафта, во обид да ги придобие земјите-членки кои рекоа дека „не можат да го поддржат предлогот“, објави Ројтерс, повикувајќи се на три неименувани извори од Европската унија.

Изменетиот предлог, за кој разговараа претставниците на ЕУ на состанокот утринава, се обидува да им даде повеќе време на Унгарија, Словачка и Чешка да се прилагодат на ембаргото и да помогнат во подобрувањето на нивната нафтена инфраструктура, велат извори од ЕУ.

Промените, исто така, вклучуваат продолжување на периодот на транзиција кон транспортните услуги на ЕУ на три месеци пред да стапи на сила забраната за транспорт на руска нафта, наместо првично предложениот рок од еден месец, рече еден анонимен извор.

Според изменетиот предлог, Унгарија и Словачка ќе можат да купуваат руска нафта испорачана до цевководите до крајот на 2024 година, додека Чешка би можела да продолжи да купува до јуни 2024 година, доколку порано не добие нафта од гасоводот од јужна Европа, изјавија соговорниците на Ројтерс.

Оригиналниот предлог на ЕК предвидуваше дека земјите од ЕУ мора да престанат да купуваат руска сурова нафта во рок од шест месеци од усвојувањето на мерката и да престанат да увезуваат рафинирани нафтени деривати од Русија до крајот на годината, давајќи им рок на Унгарија и Словачка. 2023 година да се прилагодат на овие мерки.

Бугарија, исто така, побара изземање од ембаргото за нафта на ЕУ, но не ѝ се понудени отстапки за роковите, рече еден официјален претставник, додавајќи дека „нема вистинска причина“, додека другите три земји, на кои им е дадено повеќе време, „имаат објективен проблем “.

Унгарскиот премиер Виктор Орбан денеска изјави дека на неговата земја и требаат пет години и огромни инвестиции во домашни рафинерии и цевководи за да може да го трансформира сегашниот систем за снабдување, кој се потпира на руската нафта за околу 65%.

Со предлогот за продолжување на периодот за воведување забрана на бродските компании од ЕУ да транспортираат руска нафта низ светот, Брисел одговори на загриженоста на Грција, Малта и Кипар во врска со влијанието на оваа мерка врз нивните бродски компании, велат тие.

Според претходниот предлог што ЕК го претстави во средата, транспортните компании на ЕУ ќе мора да престанат да нудат транспортни, посреднички, осигурување и финансирање услуги за транспорт на руска нафта низ светот во рок од еден месец по стапувањето на сила на ембаргото.

Share on Facebook

Tweet

Follow us

Save