Европскиот парламент остана без претседател: Почина Давид Сасоли

Претседателот на Европскиот парламент Давид Сасоли почина рано изутрината во болница во италијанската општина Авиано, изјави портпаролот Роберто Куило.

Вчера Парламентот на ЕУ потврди дека 65-годишниот италијански политичар од левиот центар бил во болница во Италија од 26 декември. Во соопштението се вели дека „хоспитализацијата била неопходна поради сериозна компликација поради дисфункција на имунолошкиот систем“.

Сасоли беше член на парламентот на ЕУ од 2009 година. Во 2019 година, тој беше избран за претседател на парламентот со седиште во Стразбур, откако беше предложен за кандидат од групата Прогресивна алијанса на социјалистите и демократите.

Неговиот мандат требаше да заврши овој месец и не се очекуваше да бара втор.

Share on Facebook

Tweet

Follow us

Save