Единствената македонска партија во Албанија поднесе барање за учество на локалните избори во мај
Единствената македонска партија во Албанија, Македонска алијанса за европска интеграција, МАЕИ, поднесе пријава за учество на локалните избори, што ќе се одржат на 14 мај.
– Поднесовме пријава за учество на изборите со што го запазивме рокот, според изборниот законик. Партиските органи ќе одлучат каде ќе настапиме со кандидатски листи за градоначалник и советници, за што крајниот рок за нивно доставување е 27 месецов, изјави за МИА, Васил Стерјовски, претседател на партијата.
Во меѓувреме Централната изборна комисија на официјалната веб страна објави дека утре на отворена седница за јавноста ќе ги разгледа пријавите на четириесеттина политички субјекти, меѓу нив и МАЕИ, како и на неколку групи граѓани.
Нова локална власт на 14 мај ќе добијат 61 општина. Во единствената македонска општина Пустец, актуелниот градоначалник Пали Колефски веќе потврди дека по вторпат ќе ја бара довербата, како кандидат на владејачката Социјалистичка партија.
ПОВРЗАНИ ВЕСТИ
Тирана реагира зошто не се интонирала и…
Министерството за Европа и надворешни работи на…
Во Пустец ќе се одржи македонскиот фолклорен…
Под покровителство на премиерот Христијан Мицкоски, на…
Македонците го одбележаа Преображение во црквата во…
Македонците по потекло од селото Ербеле, областа…
Македонски национален совет: Споменикот „Мајка Македонија“ не…
Македонскиот национален совет објави дека иницијативата за…
(Фото) Македонци во Пефкохори останаа без регистарски…
Во Фејсбук групата „Грчка Инфо“ е објавено…