Едно лице загина од шрапнели од дрон истрелан од Хутите врз Саудиска Арабија

Еден човек загина, а двајца се повредени во од шрапнели од пресретнат дрон истрелан од јеменските бунтовници Хути врз западниот дел на Саудиска Арабија.

Како што соопшти саудиската Служба за цивилна заштита, загинатиот е државјанин на Јемен, а едниот повреден е од Пакистан, а другиот е од Саудиска Арабија. Шрапнелите оштетиле возила и згради.

Изминатиот период се интензивираат борбите помеѓу Хутите, кои имаат поддршка од Иран и јеменските владини сили, поддржани од Саудиска Арабија.

Хутите неодамна го зазедоа јеменскиот пристаништен град Мока и неколку острови во теснината Баб ал-Мандеб во јужниот дел на Арапскиот Полуостров помеѓу Индискиот Океан и Црвеното Море. Хутите веќе контролираат клучни транспортни центри во областа. Доколку бунтовниците ја преземат целосната контрола врз теснината Баб ал-Мандеб, тоа би била голема стратешка предност за Иран во војната со САД. Теснината Баб ал-Мандеб од почетокот на војната во Иран се користи како алтернативна трговска рута на блокираната Ормуска Теснина. Теснината Баб ал-Мандаб е од посебно значење за Саудиска Арабија, клучен сојузник на САД во регионот.

Share on Facebook

Tweet

Follow us

Save