INFOMAX.MK

Нов турски сателит за набљудување ќе биде ставен во орбитата следната недела, објави денеска турскиот претседател Реџеп Таип Ердоган, цитиран од Anadolu Agency.

„ИМЕЦЕ, нашиот прв сателит за набљудување со висока резолуција финансиран локално и национално, ќе биде лансиран во орбитата на 11 април. Ќе продолжиме да се развиваме во глобалната вселенска трка благодарение на нашите квалификувани човечки ресурси, способностите што ги обезбедуваме и технологиите што ги развиваме“, напиша турскиот претседател на Твитер.

Yerli ve millî imkânlarla ürettiğimiz yüksek çözünürlüğe sahip ilk gözlem uydumuz İMECE, 11 Nisan’da uzaydaki yörüngesine fırlatılacak.

Yetişmiş insan kaynağımız, sağladığımız imkânlar ve geliştirdiğimiz teknolojiler sayesinde küresel uzay yarışında var olmayı sürdüreceğiz. 🇹🇷 pic.twitter.com/qlviJ8LAKk
— Recep Tayyip Erdoğan (@RTErdogan) April 9, 2023

IMECE е произведен од Институтот за истражување и развој на одбранбената индустрија на Советот за научни и технолошки истражувања на Турција (TUBITAK).

Сателитот, кој е дизајниран да ја следи површината на Земјата, ќе биде лансиран во орбита на надморска височина од 680 километри. Има електрооптичка сателитска камера со резолуција помала од еден метар.

Со новиот сателит групата турски сателити во орбитата на Земјата ќе порасне на 10 уреди, забележува агенцијата ТАСС. Меѓу задачите на новиот сателит ќе биде собирање информации за потребите на одбраната, борбата против природните катастрофи, следењето на климатските процеси и земјоделските активности. Сателитот ќе биде подготвен за целосна работа 48 часа по неговото воведување во орбитата во период од пет години, забележува БТА.